Մարինա Հակոբյանը Երևանում բնակվող արվեստի տեսաբան, քննադատ, ցուցահանդեսների համադրող է: 2004 թվականին ավարտել է Երևանի գեղարվեստի պետական ակադեմիան: 2004 - 2010 թթ.-ին աշխատել է Հայաստանի ազգային պատկերասրահում որպես ավագ գիտաշխատող և համադրող: 2010 թվականից Գրաֆիկայի բաժնի վարիչն է ՀԱՊ-ում: 2009-2013 թթ.-ին դասավանդել է Խաչատուր Աբովյանի անվան Երևանի պետական մանկավարժական համալսարանի Գեղարվեստական կրթության ֆակուլտետում: 2016 թվականից դասավանդում է Հայաստանի գեղարվեստի պետական ակադեմիայի արվեստի պատմության և տեսության, համակարգչային գրաֆիկայի և դիզայնի ֆակուլտետներում: Մ.Հակոբյանը Հայաստանի ազգային պատկերասրահում կազմակերպում է հայկական և համաշխարհային փորագրարվեստին վերաբերող հեղինակային դասախոսություններ: Պարբերաբար մասնակցում ու կազմակերպում է թեմատիկ գիտաժողովներ: 2018 թ.-ից զբաղեցնում է գիտական քարտուղարի պաշտոնը Հայաստանի ազգային պատկերասրահում: Մ.Հակոբյանը Հայաստանում և արտասահմանում կազմակերպված մի շարք ցուցահանդեսների համադրող է: Դրանց թվում են ` «Գրիգոր Աղասյան. Հետահայաց» (Հայաստանի ազգային պատկերասրահ, Երևան, 2014), «Գրիգոր Աղասյան. Նվիրված ծննդյան 85-ամյակին» (Ալբերտ և Թովէ Բոյաջյան պատկերասրահ, Երևան, 2011), «Գրքարվեստ» (Հայաստանի ազգային պատկերասրահ, Երևան, 2014), «Հին և նոր Երևան» Էրեբունի-Երևան նախագծի շրջանակներում (ՀՀ Նկարիչների միություն, Երևան, 2014), «Գրիգոր Աղասյան. Ապրելու ենք», Հայոց ցեղասպանության 100-ամյակին նվիրված միջոցառումների շրջանակներում (Հայաստանի ազգային պատկերասրահ, Երևան, 2015), «Եղիշե Թադևոսյան. Ռետրոսպեկտիվ: Հայաստանի ազգային պատկերասրահի և Վահագն Գրիգորյանի հավաքածուներից» (Հայաստանի ազգային պատկերասրահ, Երևան, 2016), «Գրիգոր Աղասյան. Գրաֆիկա» (Ալբերտ և Թովէ Բոյաջյան պատկերասրահ, Երևան, 2016), «Բարեկամության կամուրջ. Բորիս Կլեմենտև», (Հայաստանի ազգային պատկերասրահ, Երևան, 2016), «Աբրահամյաններ» (Հայաստանի ազգային պատկերասրահ, Երևան, 2016), «Միրո Պերսոլյա. Արտացոլանքից անդին» (Հայաստանի ազգային պատկերասրահ, 2016 թ.) և այլն: 2017 թ. Մ. Հակոբյանը համադրել է «Հայկական իմպրեսիոնիզմ. Մոսկվայից Փարիզ» (Ռուսական իմպրեսիոնիզմի թանգարան, Մոսկվա) և «Արա Հարությունյան. Արևը քարի մեջ», Հայաստանի մշակույթի օրերը Ռուսաստանում միջոցառումների շրջանակներում (Ռուսաստանի ժամանակակից պատմության պետական կենտրոնական թանգարան, Մոսկվա) արտագնա ցուցահանդեսները: Նույն թվականին կազմակերպել է «Ծովանկարչության սահմանները» խորագրով միջազգային խոշոր գիտաժողով` նվիրված Հովհաննես Այվազովսկու ծննդյան 200-ամյակին (Հայաստանի ազգային պատկերասրահ, Երևան, 2017): Մ. Հակոբյանը մի շարք ալբոմների, կատալոգների հոդվածների հեղինակ է և կազմող (Եղիշե Թադևոսյան, Երևան, 2006; Էդգար Դեգա. Նամակներ,Երևան, 2009; Армянский импрессионизм. От Москвы до Парижа, Москва, 2017; Ծովանկարչության սահմանները: Միջազգային գիտաժողով՝ նվիրված Հովհաննես Այվազովսկու ծննդյան 200-ամյակի, 2017 և այլն):
